Ընդհանուր տեղեկություններ
«Level 16» Նոր բազմաբնակարան բնակելի համալիր Երևանի ամենաարագ զարգացող հատվածներից մեկում ՝ Աջափնյակ վարչական շրջանի Լենինգրադյան և Մոնթե Մելքոնյան փողոցների միջնամասում ( հասցե՝ Լենինգրադյան 29/17 ) ։
Համալիրը բաղկացած է լինելու 14 և 16 հարկանի 2 մասնաշենքերից՝ ընդհանուր թվով 196 բնակարաններով։ Համալիրում նաև նախատեսված է ստորգետնյա եռահարկ ավտոկայանատեղի, առաջին հարկում ՝ կոմերցիոն տարածքներ ։ Համալիրից բացվում է շատ գեղեցիկ տեսարան դեպի Երևան քաղաք և Արարատ լեռ , այդ պատճառով շենքերի տանիքները նախագծված են որպես հարթ օգտագործվող տանիքներ և նախագծով նախատեսված է բնակիչների համար ստեղծել CoWorking հատվածներ ։ Շենքերի արտաքին երեսպատումը կատարվելու է կերամոգրանիտե, գրանիտե և բազալտե սալերով։
Ճարտարապետների ու վաճառքի պատասխանատուների թիմերի բծախնդիր աշխատանքի արդյունքում՝ բոլոր բնակարաններն ունեն գրագետ ներքին պլանավորումներ․ ընդհանուր մակերեսն օգտագործված է շատ խնամքով և օպտիմալ․ նախագծված են 2-4 սենյականոց բնակարաններ՝ սկսած 36 քմ-ից մինչև 140 քմ ։
Բնակարանները հանձնվելու են գնորդներին տեղադրված որակյալ արտաքին դռնով և պատուհաններով, սենյակների բաժանված, գաջված, հատակը հարթեցված վիճակում ։ Հնարավոր է նաև բնակարանների ձեռքբերում վերանորոգված տարբերակով ։
Համալիրն իր հաջող ընտրված աշխարհագրական դիրքի շնորհիվ մոտ է կոմունիկացիոն բոլոր ուղիներին․ համալիրից Երևան Պարկ հեռավորությունն ընդամենը 700 մ է, Դալմա Գարդեն մոլից ՝ 1․5 կմ , Հանրապետության Հրապարակից՝ ընդամենը 5 կմ։ Նախատեսված է կառուցել ճանապարհ, որը Լենինգրադյան փողոցի այդ հատվածն ուղիղ կմիացնի նորակառույց Մոնթե Մելքոնյան փողոցին ։
Բնակարնները վաճառվում են կառուցապատողից և հիփոթեքային վարկով գնման դեպքում կգործի եկամտային հարկի վերադարձի մասին օրենքը: Բնակարանները կարող եք ձեռք բերել նաև կանխիկ ՝ սկսած 0 տոկոս կանխավճարից, մինչև շինարարության ավարտը տարաժամկետ վճարման պայմանով ։
