2026-04-06
Ըստ մեր կանխատեսումների և վերլուծությունների 2026 թվականի առաջին եռամսյակում ՀՀ անշարժ գույքի առաջնային շուկան ցուցաբերում է ակտիվ և կայուն զարգացման միտումներ՝ զգալիորեն գերազանցելով նախորդ տարվա նույն ժամանակահատվածի ցուցանիշները։
Հենվելով պաշտոնական տվյալների (Cadastre.am), ինչպես նաև մեր ընկերության ներքին մոնիթորինգի և կանխատեսումների վրա՝ կարելի է փաստել, որ ՀՀ անշարժ գույքի առաջնային շուկան տարվա հենց սկզբից գործում է բարձր ակտիվության պայմաններում՝ չկորցնելով տեմպը և ձևավորելով աճի ամուր հիմք ամբողջ տարվա համար։
2026 թվականի հունվարին իրականացված գործարքների քանակը կազմել է 946, մինչդեռ 2025 թվականի նույն ամսին արձանագրվել էր 493 գործարք։
Սա նշանակում է, որ ՀՀ անշարժ գույքի առաջնային շուկան արձանագրել է մոտավորապես +92% աճ տարվա կտրվածքով։
Այսպիսի զգալի աճը վկայում է պահանջարկի կտրուկ ակտիվացման, գնորդների վստահության բարձրացման և ներդրումային հետաքրքրության ընդլայնման մասին։ Հատկանշական է նաև, որ տարվա առաջին ամսվա նման բարձր ցուցանիշը խոսում է սեզոնային պասիվության նվազման մասին։
Քանի որ պաշտոնական տվյալները դեռևս չեն հրապարակվել այդ իսկ պատճառով կարևոր ենք համարել կիսվել ձեզ հետ մեր կանխատեսումներով։
Մեր ընկերության կանխատեսումների համաձայն՝
• 2026թ. փետրվար – շուրջ 1250 գործարք
• 2026թ. մարտ – շուրջ 1580 գործարք
Համեմատելով 2025 թվականի նույն ժամանակահատվածի հետ՝
• Փետրվար 2025՝ 534 գործարք → կանխատեսվող աճ՝ մոտ +134%
• Մարտ 2025՝ 611 գործարք → կանխատեսվող աճ՝ մոտ +159%
Այս տվյալները ցույց են տալիս, որ ՀՀ անշարժ գույքի առաջնային շուկան գտնվում է արագ ընդլայնման փուլում և պահպանում է բարձր աճի տեմպ։
2026 թվականի առաջին եռամսյակում արձանագրված և կանխատեսվող աճը վկայում է, որ ՀՀ անշարժ գույքի առաջնային շուկան անցնում է կառուցվածքային փոփոխությունների փուլ։ Եթե նախկինում շուկայի ակտիվությունը կենտրոնացած էր տարվա երկրորդ կեսում, ապա ներկայում նկատվում է ակտիվության ավելի վաղ մեկնարկ և տարվա ընթացքում ավելի հավասարաչափ բաշխում։
Այս միտումը պայմանավորված է մի քանի կարևոր գործոններով։ Առաջին հերթին՝ անշարժ գույքը շարունակում է դիտարկվել որպես կապիտալի պահպանման և ներդրման առավել վստահելի գործիք, ինչը նպաստում է ներդրումային պահանջարկի աճին։ Միաժամանակ առաջնային շուկայում պահպանվում է բարձր հետաքրքրություն՝ հատկապես նորակառույց բնակարանների նկատմամբ։
Տնտեսական հարաբերական կայունությունը և ֆինանսավորման գործիքների հասանելիությունը նույնպես նպաստում են շուկայի ակտիվությանը՝ ապահովելով գնորդների ավելի լայն շրջանակի մասնակցություն շուկայում։ Այս ամենի համադրությունը ձևավորում է կանխատեսելի և վերահսկելի միջավայր, որտեղ ռիսկերը համեմատաբար նվազ են։
Ներդրումային տեսանկյունից ՀՀ անշարժ գույքի առաջնային շուկան ներկայումս գտնվում է բարենպաստ փուլում․ բարձր պահանջարկը, ակտիվ գործարքային դաշտը և աճի շարունակական միտումը ստեղծում են հնարավորություններ ինչպես կարճաժամկետ շահույթի, այնպես էլ երկարաժամկետ կապիտալի պահպանման համար։
2026 թվականի առաջին եռամսյակի տվյալները և կանխատեսումները ցույց են տալիս, որ ՀՀ անշարժ գույքի առաջնային շուկան մտել է ակտիվ զարգացման փուլ։
Գործարքների ծավալի էական աճը, հատկապես տարվա սկզբին, ինչպես նաև առաջիկա ամիսների բարձր սպասումները վկայում են, որ շուկան ոչ միայն պահպանում է իր դիրքերը, այլև ընդլայնում է իր ներուժը։
Այս միտումները հիմք են տալիս կանխատեսելու, որ 2026 թվականը կարող է դառնալ բարձր ակտիվության և ներդրումային հնարավորությունների տարի։
Տվյալների աղբյուրներն են՝ Cadastree.am
Մշակված և համալրված RED Invest Group-ի կողմից
